▶
《非醫護人員專訪》朱景熙：各司其職，有我在後方支援，令醫護可以無憂無慮幫其他人
救援團隊中嘅醫護人員要喺資源貧乏嘅地區前線拯救傷病者，好多時都需要非醫護人員早一步到場，做好救援前期嘅工作。
現時係無國界醫生董事會成員嘅朱景熙（Luke），曾經以水利衞生專家身分，參與南蘇丹救援工作時，喺當地起廁所、搵乾淨食水水源，為求首先令當地有需要嘅人可以基本維生，亦令醫護一抵達就有齊設備同資源，可以無後顧之憂拯救性命。
雖然事隔多年，但Luke一講起難民見到食水湧出時嘅喜悅之情，仍然覺得好開心、好有滿足感，並認為最重要係香港人唔好低估自己嘅能力。
「其實我哋都有知識，可以喺唔同地方，參與更多。」