▶
《非醫護人員專訪》梁雅倫：轉換營利計算心態 發揮最大成本效益盡力助人
有關注開我哋嘅你都知道，組織嘅醫護人員救治傷患、非醫護人員負責以自己嘅專長，支援醫護。不過，呢一連串嘅工作，總需要有人去睇住盤數，再去有效咁分配資金同其他資源。
《非醫護人員專訪》來到最後一集，壓軸出場嘅梁雅倫（Alan），正正就係負責會計、採購審核等等嘅工作，以自己財務知識，令救援工作能夠順利進行。喺商業社會打滾多年的Alan，經歷過一啲世界大事同人生遭遇後，頓覺人生無常，所以就想下唔同嘅人生體驗，同時又可以幫到人。
Alan 話，商業社會以為僱主賺錢行先，但加入無國界醫生參與救援工作，可以放低呢種心態，不計時間成本、盡心盡力咁以自己專業知識去幫傷病者獲得應有嘅醫療護理。