UNESCO 312d ago

Энэхүү видео нь дохионы хэлний орчуулгатай. ЮНЕСКО түнш байгууллагуудынхаа хамт ЮНЕСКО-гийн Хэвлэл Мэдээлэл дэх Хөгжлийн Бэрхшээл ба Тэгш Байдал Ахисан Түвшний Сургалтын Видео Цувралыг боловсрууллаа. Эдгээр видео нь ЮНЕСКО-гийн Хэвлэл Мэдээлэл дэх Хөгжлийн Бэрхшээл ба Тэгш Байдал: Төлөөлөл, Хүртээмж, Менежмент Практик гарын авлагад тулгуурласан болно. ЮНЕСКО-гийн Видео Цувралыг сэтгүүлч, хөгжлийн бэрхшээлтэй иргэдийн эрхийн төлөө тэмцэгч хатагтай Софи Морган хөтөлсөн ба ЮНЕСКО-гийн Харилцаа холбоо, мэдээллийн асуудал хариуцсан орлогч дарга, ноён Тауфик Желасси танилцуулж, Люксембургийн Гүнж Мария Тереза, сэтгүүлч, телевизийн нэвтрүүлэгч хатагтай Кристиане Аманпур, ЮНЕСКО-гийн Энхийн төлөө уран бүтээлч хатагтай Жэйн Констанс нар оролцлоо. Энэхүү видео цувралыг ЮНЕСКО нь Beyond Borders Media байгууллагатай хамтран бүтээв. ЮНЕСКО-гийн Ахисан Түвшний Сургалт нь дараах сэдвүүдийн хүрээнд практик зөвлөмж бүхий видео цувралыг агуулав: • Хөгжлийн бэрхшээлтэй хүмүүсийг шударга, тэнцвэртэй байдлаар төлөөлүүлэхийн тулд хүртээмжтэй, тэгш хамруулсан редакцийн бодлогыг дэмжих. • Текст, видео, аудио болон дижитал хэлбэрээр хүртээмжтэй хэвлэл мэдээллийн контент боловсруулах. • Менежмент болон үйл ажиллагааны түвшинд хэвлэл мэдээллийн байгууллагуудад хөгжлийн бэрхшээлтэй мэргэжилтнүүдийн олон талт байдал, эрх тэгш байдал болон оролцоог хангах. ЮНЕСКО-гийн Хэвлэл Мэдээлэл дэх Хөгжлийн Бэрхшээл ба Тэгш Байдал Ахисан Түвшний Сургалт нь редактор, сурвалжлагчид, хүний нөөцийн ажилтнууд болон менежерүүд зэрэг хэвлэл мэдээллийн бүх мэргэжилтэнд зориулагдсан болно. Энэхүү цуврал нь Нэгдсэн Үндэстний Байгууллагын Хөгжлийн Бэрхшээлтэй Хүмүүсийн Эрхийн тухай Конвенцод нийцсэн олон улсын стандартыг түгээн дэлгэрүүлэхэд хувь нэмэр болж буй юм. Сургалтыг хөтөлсөн: Софи Морган @sophlmorg